Thursday, September 01, 2005

Tralalalalalaaaaaaaaa.......ný tala!




Nú er ofætan í góðuuuuuuuuuuuuu skapi! Thíhíhíhí....LANGT síðan ég hef séð þessa tölu....ja.....bara fyrir 2 börnum og 4 árum síðan! DÍSÖS hvað er gaman að vera til í dag:)

Fyndið hvernig viktin stendur alltaf soldið í stað í 1 viku og POMPAR svo niður þegar maður er orðin pínu áhyggjufullur. Farin að efast um matarræðið o.s.frv. Hérna áður fyrr hefði ég bara byrjað að borða ef ég sæi ekki árangur SAMSTUNDIS! En nei takk! Ekki núna! Ég VEIT að þetta tekst núna! Halelúja:)

Vildi bara deila þessu með ykkur:)

M.m. 2 speltibollur m. lifrarkæfu og gúrku
H.m. speltsamloka m. avókadó
K.m. Grilluð kjúkl.bringa með fullt af grænmeti
M.b. epli og mandarína

over and out....ætla að halda áfram að brosa framan í þennan líka YNDISLEGA heim í dag:)
ykkar ofuræta í sjúklega skemmtilegum BATA!

Wednesday, August 31, 2005

hóst hóst....




Jæja...hér kemur matseðill dagsins....
M.m. hráir hafrar, rúsínur og létt-mjólk
H.m. spelt samloka með létt-smurosti og skinku
K.m. Heilhveiti-pasta með bolognese-sósu

Já....bara fínt held ég í dag...svona fyrir utan ávaxtaleysið! Er alltaf að fara að gera e-h í því.....skil ekki hvað er að mér?! Reyndar hef ég pínu afsökun núna. Er hálflasin OG að baka fyrir 120 manns (er að sjá um veislu næstu helgi....er sko með veisluþjónustu í hjáverkum). Þannig að ég er EKKERT að hafa tíma til skipuleggja matarræðið. Er bara ÞVÍLÍKT ánægð með að hafa haldið mér sykur og hveiti-lausri í veikindunum! Halelúja!!!!!!!!!

Hei...kallinn að koma heim...ætla aðeins að fá smá knús áður en ég fer að lúlla mér.....hóst hóst....
kær kveðja frá kvefaðri ofætu

Monday, August 29, 2005

attsjúúúú!




Já....er alveg stútfull af kvefi og e-h pest! Ömurlegt! Ég var einmitt búin að hlakka til að fá þessa síðustu viku fyrir skólabyrjun út af fyrir mig! Börnin nebblega officially ÖLL komin á leikskóla/skóla. Er semsé að ljúka 4 árunum mínum sem ég hef verið heimavinnandi með þessar elskur! Er endalaust þakklát fyrir þann tíma en fjúkk....líka gott að vera að fara að gera e-h BARA fyrir mig....skilji'ði mig? Svo var ég líka búin að lofa að sjá um veitingar á ættarmóti um næstu helgi og sá fyrir mér dúllerí við það alla vikuna. Ætla að SLAPPA af allavega í dag og sjá svo hvort ég geti ekki byrjað á morgun.

Annars er þetta yfirleitt MJÖG erfitt fyrir mig í matarræði í veikindum. Vil e-h veginn helst liggja á meltunni með nammi....af því ég það skilið! Hahaha..... Já...þetta er smá challenge hérna...en það kemur EKKI annað til greina en að standa sig! Það er svooooo gaman þessa daganna!

Var einmitt í barna-afmæli hjá systur minni um helgina. Man SVO vel eftir síðasta afmæli þar (fyrir nákv.lega 1 ári síðan). Þar leið mér SVOOOO illa. Skammaðist mín fyrir sjálfa mig. Fannst allir vera að mæla út hvað ég væri að borða o.s.frv. Fann þau föt sem "földu" mest o.s.frv. Nú HLAKKAÐI ég til að hitta alla! Hallelúja! Fannst gaman að punta mig og alles! Thíhíhíhí....

Já....svo gengur svaka vel nýja fjölskyldumeðliminn hana Emmu okkar (8 vikna gömul labrador-tík). Hún er öll að koma til og er svoooo róleg og góð. Elskar samt að leika með krökkunum. Hoppar og skoppar út um allt. Svo sefur hún líka svaka mikið...er náttlega bara algjört ungabarn greyið. En já....þetta virðist bara ætla að ganga vel:)

Jæja....over and out for now. Ætla að fara að skoða bloggin ykkar:)
ykkar ofukvefaða ofæta:)

Friday, August 26, 2005

labrador og cheerios!




Voffvoff segi ég nú bara (a.k.a. "góðan og blessaðan daginn" á voffamáli)....

Ég er semsé orðin stoltur hundaeigandi! Á morgun renn ég í bæinn að sækja litlu labrador-tíkin mína sem hefur hlotið nafnið EMMA (valið af "pabba" hennar sem er 8 ára strákurinn minn). Ohhhh.....líður bara eins og ég sé að fara að eignast 4ja barnið mitt! Búin að vera dunda mér í kvöld við að setja búrið hennar saman, setja bleika teppið hennar inn í það og alla bangsana og beinin og sona.....er alveg að missa mig í þessu (er m.a.s. inni á hvuttar.net og dyraland.is lon og don)!

Jæja....aftur að mér og minni matarfíkn! Já...."fráhaldið" gengur vel þessa daganna. Samt ALDREI alveg átakalaust sko:) Stend mig að því að hugsa endalausar klikkaðar ofætu hugsanir á dag....ég er eins og kallarnir með kynlíf. Hugsa um það aðra hverja sekúndu (eins gott að það beri minna á þessum hugsunum mínum en karlanna....hmmmmmhmmm). Það er stundum bara gott að enginn komist inn í hausinn á manni!

Matseðill dagsins...
M.m. Cheerios og létt-mjólk
H.m. Heilhv.Burritos með kjúkling
K.m. Grilluð kjúkl.bringa og geggjaður indv.bygg-réttur
Kvöldkaffi. Cheerios, mjólk og smá rúsínur

jebb....ömurleg í ávaxtaleysinu! Ætla að kippa því í lag þegar ég byrja í skólanum í næstu viku. Tek þá ávexti með mér í nestið sem ég NEYÐIST til að borða ef ég ætla ekki að verða hungurmorða. Langar e-h veginn svoooo sjaldan í ávexti!

Svo er annað....ég hef náttlega tekið sykur og hveiti út af mínu matarræði þar sem ég hef tekið eftir því að það kveikir í fíkn hjá mér. Af e-h ástæðum þoli ég þó hluti eins og cheerios, flatkökur m.pínu hveiti í o.s.frv. Hef rætt þetta við sposorinn minn og hún segir mér bara að fylgjast vel með munstrinu. Hvort þetta fari að hrófla e-h við huganum mínum. Verð að vera á verði gagnvart þessu. Hvað segið þið? E-h komment um þetta?

Ennívei.....tútílú...á morgun verður kannski Emma litla mín hérna upp í sófa hjá mér......vhíííí

góða nótt frá ofætu (sem getur ekki beðið eftir morgundeginum....ðets a prittí gúd tjeints!

Tuesday, August 23, 2005

vhíhíííí NÝ TALA!




Læf sjor is gúd ðís deis! Á við slík "lúxus-vandamál" að stríða þessa daganna....t.d. "Ó nei! Ég passa ekki lengur í fötin mín!". Það er sko alveg endalaust gaman að kaupa ný föt! Maðurinn minn hefur alltaf hvatt mig til að vera "góða" við sjálfa mig og hefur eiginlega alltaf orðið mjög glaður þegar ég kaupi mér e-h smart (kannski vegna þess að ég gerði það ALDREI áður þar sem ég var ekki að fíla að þurfa að kaupa hólka til að fela mig í!). En nú er það orðið daglegt brauð að ég komi með nýja fatapoka inn um hurðina. Fer bráðum að verða ofnotað hjá mér....hahaha....spurning hversu langt sé í að hann fari að hætta að fíla þetta kaupæði mitt:)

Er á meðan er...einn dagur í einu!

Er að fara á uppáhaldsfundina mína í kvöld....kvennafundirnir. Ohhhh....algjört æði. Hlakka rooooosa til:)
kær kveðja frá Ofætu í bata

Monday, August 22, 2005

svar við spurningu Barbie Tec....




Hæ hæ....er að svara spurningum Barbie Tec þar sem ég fann ekki e-mailið hennar á síðunni hennar:) Þið sem hafið ekki áhuga á þessu bulli í mér lítið bara framhjá þessu þurra efni framundan:)
Hér kemur "meilið" til Barbie Tec...

hæ esskan mín! Ætlaði bara að svara spurn. þínum um OA (eftir bestu getu....er engin særfræðingur sko:)
Fáið þið fræðslu hvað þið eigið að borða í OA?
Nei...ekki á fundum. Þar er aðaláherslan lögð á andlegan bata. Þar er m.a.s. maður beðin um að ræða ekki mikið einstaka fæðutegundir. EN þessi mál ræðir maður við trúnaðarmanninn sinn. Þ.e. maður kemst að því MEÐ trúnaðarmanni sínum hvað "triggerar" fíknina manns og hver "fíkniefnin" manns eru. Þetta er einstaklingsbundið en flestar "ofætur" sleppa allavega sykri og hvítu hveiti. Þó eru engar alhliða "reglur" í þessu.
Eruð þið látin fylla út matardagbók og svona ?
Já, maður "hringir" inn til trúnaðarmannsins síns á hv. degi (allavega í byrjun) og ákveður matarplan og talar svo um hvernig það gengur.
Er það eitthvað sem þið eigið að sleppa, borða meira af. Er eitthvað sett upp fyrir ykkur ?
Eins og ég sagði áðan þá fer maður í "fráhald" frá þeim matartegundum sem maður ræður ekki við að borða. Í fráhaldi er einnig mælt með 3 stórum máltíðum ásamt 1-2 millibitum. Einnig er manni ráðlagt að fá sér BARA einu sinni á diskinn svo maður lendi ekki í narti skilu'ru (en vera þá raunsær og fá sér nóg!).

OA- er alls ekki megrunarklúbbur. Þar er lögð áhersla á það að ná líkamlegum og andlegum bata á þessu sviði. Þó fara nátturulega nánast allir í OA til að grennast:) En komast svo að því flestir að þegar kílóin fara að hrynja af manni er það bara bónus miðað við allt annað sem gerist jákvætt:)
Annars getur'u líka bara farið inn á OA.is og séð þetta alltsaman:) Endilega kíktu á þetta. Mæli með því að kíkja á kvennafundina á þriðjud. kl.18.15. Þeir eru æðislegir:) Fullt af kærleik.
Vona að ég hafi náð að svara þessum spurningum skiljanlega:)
kær kveðja frá Ofætu í bata

Friday, August 19, 2005

súkkulaðikaka DAUÐANS í ísskápnum....djö....




Hæ skvísurnar mínar....helgin að byrja...vhíííí!

Matseðill dagsins...
M.m. Grænn skyr.is drykkur (ég veit...allt of lítið en ég vaknaði seint)
H.m. Restina af ommilettunni síðan í gær
K.m. Geggjaður Túnfiskréttur (túnfiskur í vatni, laukur, hv.laukur, tómatpurée og fullt af ind.verskri kryddblöndu) og hýðishrísgrjón....namminammmmmmmm

Já...kvöldið er rétt að byrja og ég FINN að ég þarf að passa mig...er e-h tæp...finn það bara. Ekki á það bætandi að það er þvílíkt DJÚSÍ súkkulaðikaka inn í ísskáp. Fékk nebblega ömmu og afa í heimsókn hingað upp á Skaga í dag. Henti í eina Betty Crocker (sorrí...það eru bara bestu súkk.kökurnar), muffins, pönnsur, kleinur, heitan brauðrétt OG EKTA HEITT súkkulaði m.rjóma....halló! Fæ vatn í munninn af tilhugsuninni! Passsaði mig á því að vera NÝbúin að borða hádegism. minn þegar þau komu og settist því bara með familíunni með diet coke glasið mitt og spjallaði við þau á meðan þau gæddu sér á góðgætinu. FREISTING....en finn samt meira fyrir því að eiga súkk.köku inn í ísskáp þegar þau eru farin. Var meira svona fyrir að borða gúmmilaðið mitt í einrúmi. Yfir imbanum eða e-h álíka huggulegt. Mér tókst þó að koma öllu góðgætinu út...sendi þau með nærri alla afganga. Skildi samt pínu súkk.köku fyrir aðra heimilismeðlimi. Ætla bara að vera meðvituð um þetta í kvöld og finna mér aðra hluti að gera.

Læt ekki eina helv.... súkk.köku eyðileggja fyrir mér geðheilsuna! NEI takk! Til þess hef ég náð ALLT of miklum árangri! Já...og HANANÚ!!!!!!!!!!!!

Jæja...ætla að kíkja á ykkur ....þ.e.a.s síðurnar ykkar:)

Vhííí....ný tala!




Jebb....komin niðr'í 80! Alltaf gaman að sjá nýjar tölur....verð bara að viðurkenna það:-)

Hér kemur matseðill dagsins....

M.m. 1 banani og 1 epli (er að reyna að troða inn ávöxtum)
H.m. GEGGJAÐ kjúkl.salat sem innihélt 1.stk grilluð kjúkl.bringa pensluð með sólþ.tómat-pestó, ristuðum graskershnetum, blönduðu salati, fetaosti og ólívum (og auðvitað fitulausa salatsósan góða)...mmmmmmmmmm....fæ bara vatn í munninn að rifja þetta upp!
K.m. Ommiletta úr 2 eggjum m. blönduðu grænmeti, 1 tofu-buff (frá Sollu), góðu salati og ab-mjólkursósu...mmmmm...
Kvöldnasl. ca 8 jarðarber

Já....nokkuð sátt held ég bara:-)

Talaði við sponsorinn minn um þessa megrunarþráhyggju sem mér finnst vera að ná tökum á mér. Hún sagði bara að það væri partur af þessum bata mínum að gera mér grein fyrir þessu stjórnleysi mínu í hugsunum. Hún sagði að það væri bara bót í máli núna þegar ég er meðvituð um þær og leyfi þeim ekki að ná stjórn á mér....fjúkk...gott að heyra!

En held ég haldi áfram að skoða bloggin ykkar í kvöld og fái "inspiration"...fæ það alltaf frá ykkur esskurnar mínar:)
Over and out frá OFÆTUNNI

Thursday, August 18, 2005

megrunarþráhyggjan mín að læðast aftan að mér...




Já....svei mér þá! Ég er semsé að halda upp á mánaðarafmæli mitt í dag í "fráhaldi"....fráhaldið mitt felst í því að borða ekki sykur, hveiti og smjör ofan á brauð. Einnig borða ég 3 máltíðir á dag með vali um 1-2 millibita.

Mér gengur vel kílólega séð og andlega. Er á mjög "góðum stað" þessa daganna. Er farin að upplifa mig aftur sem kynveru gagnvart manninum mínum og geng e-h veginn uppreist. Get ekki alveg útskýrt það en lífið er bara almennt gott þessa daganna. Hversdagsleikinn er bara fínn, börnin mín eru skemmtileg, húsverkin ekkert hræðileg, ég er bara nokk sæt og spegillinn og fólk er ekki lengur mínir verstu óvinir.

EN.....ég finn að "megrunarþráhyggjan" mín og "útlitsþráhyggjan" eru e-h að pikka í mig. Er bara á 1.spori í OA (fyrir þá sem ekki þekkja það snýst það spor um að viðurkenna vanmátt sinn og stjórnleysi í lífinu) og er að verða pínuhrædd um að ef ég kemst ekki á næsta spor fljótlega sem snýst um það að FARA að trúa því að ÆÐRI MÁTTUR (samkvæmt mínum skilningi) geti gert mig andlega heilbrigða að nýju. Ég veit FULLKOMLEGA að ég get ekki gert þetta í mínum eigin mætti...hef reynt það þúsund sinnum! En þar sem ég hef ekki orðið ennþá fyrir "andlegri vakningu" er ég í raun að gera þetta í eigin mætti ennþá....og ég er HRÆDD....við sjálfa mig! Vá hvað ég er GEÐVEIK! Þarf að hringja í sponsorinn minn strax í fyrramálið og segja henni frá þessum pælingum...

Ég bar undir ykkur matseðilinn minn undanfarna daga og fékk FRÁBÆRT feedback. Flestir stungu upp á að auka við ávextina og fá sér hollt nasl á kvöldin. Þegar ég fór að velta því fyriri mér AFHVERJU ég hef ekki verið að fá mér millibita (sem ég má algerlega samkvæmt mínu prógrammi) og ávexti á kvöldin rann svarið upp fyrir mér.....ég er hrædd við að grennast ekki nógu hratt! HALLÓ! Ég er ekki í lagi...og verð ALDREI! ÉG þarf hjálp! Og þarf að læra að taka á móti henni......

Sorrí....þurfti bara að deila þessum hugrenningum með ykkur:)

matseðill dagsins....

M.m.ein og hálf sneið af grófu og hveitilausu brauði m. léttsmurosti, skinku og tómötum.
H.m.2 hrökkbrauð með fullt af avókadó, tómötum, salti og pipar (mmmm)
K.m.Steinbítur m. salati og kartöflum
Kvöldsnarl: 5 jarðaber og ca.6 vínber (var að reyna að vera "góð" stelpa og borða ávexti eins og þið sögðuð mér að gera). Ég var drullusvöng en fékk e-h megrunarþráhyggju-kast og varð HRÆDD....er e-h svona ruglaður eins og ég? Reyndar veit ég að það eru margir þarna úti...búin að kynnast fullt af yndislegu fólki í OA-samtökunum sem bregður ekkert við svona vitleysu!

ER bara svo vön pælingunni "Allt eða ekkert" í öllum þessum átökum og megrunum. Það sem ég er að gera núna á ekki að hafa NEITT með megrun að gera. En....Guði sé lof fyrir að ég fattaði þetta áður en ég "datt í það"....BATNANDI konum er best að lifa...er það ekki annars?

Takk fyrir mig elskurnar og eigið þið ljúfa nótt.....zzzzzzzzzzz
over and out!

Wednesday, August 17, 2005

vhííííí hvað þetta er gaman!




Vá takk svooooo mikið fyrir öll kommentin! Alveg nauðsynlegt að fá smá feed-back:)

En já...VERÐ að bæta ávöxtunum meira inn. Gott point með að leyfa sér að kaupa GÓÐA ávexti....ber og svona. Smá gúmmilaði...má ekki vera of boring e-h!

En já....sit hérna að bíða eftir að sækja yngstu stelpuna mína í leikskólann. Hún er litla skottan mín (verður 2ja í nóv) og er í aðlögun á leikskóla hérna á Skaganum. Hún er algjör mömmustelpa og það er svoooo erfitt að slíta naflastrenginn! Hún varð alveg brjál þegar ég fór þannig að ég get ekki beðið eftir því að sækja hana! En...þetta er alveg nauðsynlegt. Er búin að vera heimavinnandi og ófrísk mest megnis í 4 ár (eða mér líður allavega þannig)! Er svo að fara að byrja á Bifröst 4.sept og get ekki beðið! Er alveg kominn tími á smá "me time"...hlakka til að koma endurnærð heim á daginn og NJÓTA tímans hérna heima með krökkunum í staðinn fyrir að vera endalaust pirruð, í "heima-lörfunum" í gulum gúmmíhönskum! Hahaha...sjáið þetta ekki alveg fyrir ykkur? Er eiginlega búin að upplifa mig soldið eins og 3ja barna heimavinnandi mamman í "Desperat Housewifes"...þessi með ofvirku strákanna....hahahaha....

En já...er bara voða hissa og glöð yfir því að e-h sé að lesa þetta rugl í mér!

"Fráhaldið" gengur vel þessa daganna en ég finn að mér finnst VOÐA erfitt að vera ein heima á kvöldin....það var "minn" tími til að borða.....átveisla fyrir framan sjónvarpið...ðett's mí! EN...þegar ég finn að hugurinn er kominn inn í skápana hefur reynst mér ágætlega að láta renna í heitt "vanillu" bað með kertaljói og tilheyrandi...eða fara að blogga og lesa bloggin ykkar. Eins náttlega rosa gott að hringja í "sponsor-inn" minn hjá OA. Hef ekki ennþá fengið hugrekki til að hringja í aðra OA-félaga. En það er eitt af þessum "verkfærum" sem við eigum að nota....þarf e-h að taka á þessu hjá mér...

Ætla að láta þetta vera gott í bili...svona í morgunsárið. Óska ykkur öllum alveg MEIRIHÁTTAR dags!

ykkar ofæta (í bata í dag)

er einhver þarna úti?!?????????




Já...er orðin frekar despó eftir viðbrögðum frá ykkur esskurnar mínar...er nokkur að lesa þetta? Thíhí....væri allavega gaman að vita hvort ég sé ein hérna e-h "lost in cyper-space"....tjáið ykkur nú elskurnar:-)

Já...dagurinn gengur bara vel....
Mm. Havrefrys (svona "koddar) m. léttmjólk
Hm. 2 gróf og hveitilaus hrökkbrauð m. léttosti, skinku og soðnu eggi
Km. 1 grilluð kjúkl.bringa með grilluðum tómötum, broccoli og blómkáli

Já...væri svo SANNARLEGA gaman að heyra í ykkur ef einhver er að lesa þessa vitleysu í mér...væri allavega smá hvatning:)
ykkar beloved OFÆTA

Tuesday, August 16, 2005

dæmi um matseðil....




Hæ...langaði soldið að fá álit hjá ykkur snillingunum þarna úti um það sem ég er að borða. Eruð þið til í að kommentera um hvað ykkur finnst? Það væri frábært....er e-h veginn ekki alveg viss.....Hér koma nokkur dæmi....

fimmt.11.ágúst

M.m. 1 skál hráar hafraflögur, rúsínur og léttmjólk
H.m. 1 kjúkl.bringa og fullt af salati m. furuhnetum
Millibiti: grænn skyr.is drykkur
K.m. Stórt salat m. eggi og túnfiski, fitulaus salatsósa

föst. 12.ágúst
M.m 1 sneið hveitilaust brauð með fituskertri lifrarkæfu og gúrku, mandarína
H.m. soðinn lax og kartöflur
K.m. grilluð kjúkl.bringa með pestó, hýðishrísgrjónum og létt ab-mjólkursósu

laug.13.ágúst
M.m. 1 skál cheerios og léttmjólk
H.m. 1 Burrito með kjúkl.
Millibiti. 1 banani
Kvöldm. Nauta-Carpaccio og Hvítlauksristaður humar (mmmm....fór út að borða)

Hvernig hljómar þetta? Er þetta allt í lagi....plís segiði e-h:)

Ykkar ofæta

5 ára brúðkaupsafmæli um helgina...




Jæja....hér er matseðill dagsin...

M.m...grænn skyr.is drykkur og 1 epli
H.m...2 kjúkl.baunabuff, salat, 1 gróf brauðsneið m. eggjum og skinku
K.m...150 gr. lax, steikt spínat, zuccini og laukur upp úr smá hv.lauksolíu

já....þetta er matseðill dagsins. Nokkuð sátt bara held ég!

En já...er nýbúin að fatta að ég er búin að missa 15 kíló í heildina síðan ég byrjaði í apríl....vhííí. Tók mig samt langan tíma að finna mun. En allt í einu er ég bara voða sátt við mig. Er alllavega komin á það stig að geta keypt mér sum föt í Sautján og Vero Moda (ok...alltaf STÆRSTU stærðirnar í búðinni...en samt!). Þvílíkt stuð!

Við hjónin héldum upp á 5 ára brúðkaupsafmæli um helgina og vorum BARNLAUS í sólarhring (eigum 3 kríli)...og váááá hvað það er gott og NAUÐSYNLEGT stundum. Er líka búin að vera meira eða minna heimavinnandi eða ófrísk síðastliðin ár. Er alveg búin að fá nóg af því....sorrí....elska börnin mín endalaust mikið en þennan tíma er ég því miður búin að "koðna" niður og tína mér soldið í eigin óhamingju og offitu. Finnst þessi kíló sem hlaðast hafa utan á mig undanfarin ár endurspegla soldið eigin vanlíðan. Nú er yngsta skottið mitt í aðlögun á leikskóla hérna á Skaganum og svo er ég að byrja í námi á Bifröst eftir nokkrar vikur. Lífið mitt er e-h aftur að taka við sér. Er e-h öll að lifna við. Er byrjuð að taka á mínum málum. Er komin í OA-samtökin og er bara á fullu í sjálfsvinnu. Er að vinna í því að losna undan þessari megrunaráráttu sem ég er búin að vera í undanfarin ár....þið vitið...."þegar ég verð mjó verður allt svo frábært"....sem er bara RUGL! Ég viðurkenni að það skapar AUÐVITAÐ óhamingju að vera uppblásin og komast ekki í neitt nema "stórar stærðir"...en ég er búin að fatta það að megrun virkar ekki hjá mér nema til skamms tíma. ÉG ÞARF OA....svo einfalt er það. Þessi samtök hafa gert kraftaverk í mínu lífi undanfarna mánuði...svo mikið er víst. Ég get ekki sagt ykkur hvað það var mikill persónulegur sigur fyrir mig um helgina að kaupa dragt í SAUTJÁN....ok....stærsta dragtin á svæðinu en só fokking vott?!

Jebb....æm heppí ðís deis.....

ykkar ofæta (í bata)

látið svo heyra í ykkur (ef e-h er að skoða þessa vitleysu í mér?!)

Wednesday, August 10, 2005

nýjar tölur




er búin að vera í e-h veseni með að setja þetta inn... vona að þetta takist núna!

nýjar tölur



er bara að tékka hvort að nýju tölurnar eru komnar inn....er ekki alveg að fatta þetta!

er ég nokkuð að svindla?

http://tickers.TickerFactory.com/ezt/d/3;10717;133;0;0/c/-12/t/-32/k/096f/weight.png

Hæ...allt gengur vel. Vigtin færist niður á við og er farin úr 95 kílóum niður í 82....vhííí!

Er semsé í OA og er búin að vera í alvöru fráhaldi í 3 vikur núna á morgun...thíhíhí!
Fráhaldið mitt samanstendur af 3 máltíðum ásamt vali um 1-2 millibita. Einu sinni á diskinn og sleppa hveiti og sykri. Kílóin RASA af og sjálfsvirðingin er að koma aftur!

Komst nota bene í gallabuxur í dag sem ég hef ekki komist í L-E-N-G-I! vhíííi...

En....líður eins og ég sé að svindla núna...eða er e-h óviss. Málið er að ég borðaði greinilega allt of lítinn kvöldmat og var e-h pirruð í allt kvöld....verð alveg vonlaus svöng! Endaði á því að poppa mér popp á eldavélinni (þorði ekki að poppa örbylgju-popp..vildi frekar stjórna olíunni). Skammtaði mér miðlungsskál af poppinu og borðaði það af mikilli nautn. Er það í lagi? Fékk mér notabene engan millibita. Líður eins og ég sé ógeðslega mikið að svindla! Er ég orðin e-h geðveik!

Nenni ekki að hafa þetta samviskubit. Aðal-ávinningur fráhaldsins míns hefur verið SAMVISKUBITSLAUST át! Díses....verð að heyra í e-h með þetta. Sponsorinn minn svaraði ekki áðan...

Jæja, vonast til að heyra í e-h:)
kær kveðja frá mér í bili!

Thursday, August 04, 2005

bara að tékka...

http://tickers.TickerFactory.com/ezt/d/3;10717;133;0;0/c/-12/t/-32/k/096f/weight.png

....hvort að nýju tölurnar mínar eru komnar inn...er soooooo stolt!

vhííí....2 vikur í "fráhaldi"!




Jæja stelpur! Vhíííí hvað ég er glöð þessa daganna! L-O-K-S-I-N-S er ég komin í fráhald! Þ.e.a.s. borða ég 3 máltíðir á dag og svo hef ég val um 1-2 millibita á dag. Svo set ég bara "einu sinni á diskinn" minn. MJÖG MIKILVÆGT fyrir svona hömlulausa ofætu eins og mig. Þá lendi ég ekki í neinni umhugsun. Skammta mér bara vel og RAUNHÆFT á diskinn (ekki eins og það sé fyrir e-h fugl)! Það eina sem ég hef tekið algjörlega ÚT af mínum matseðli er SYKUR, HVEITI og SMJÖR sem viðbit á brauð. Þetta eru bara matartegundir sem ég höndla ekki að borða í SMÁ-skömmtum.....verð að borða FULLT af þeim. En nú er þetta semsé búið að ganga snuðrulaust fyrir sig í 2 vikur. 4 kíló farin! Vhííí!

Er semsé búin að grennast úr 95 kílóum í feb. í 82 í dag! 13 kíló farin! Vhííí hvað það er gaman. Samt fyndið að þegar maður er orðinn sona feitur (90 plús) þá tekur maður ekki mikið eftir fyrstu kílóunum. Ég fann allavega ekki so mikið fyrir fyrstu 10 kílóunum. Aðallega þessum 3-4....skrýtið! Er allt í einu farin að fíla mig MIKLU betur. Kannski líka að því ég er virkilega að fylgja þessu OA prógrammi og það hjálpar manni so á andlega sviðinu. Kílóin eru allt í einu mjög lítið mál miðað við andlegu líðanina. Það er bara so mikið frelsi að þurfa ekki að hugsa um mat nema þegar maður Á að borða og borða bara það sem maður MÁ borða og vera saddur. Hugsa ALDREI aftur um megrun....ALDREI....bara búin með minn skerf....og þvílíkt sem það léttir á manni! Að vera ekki að pæla í kaloríum o.s.frv.

Jæja...hlakka til að heyra í e-h þarna úti....anybody, anybody?

jæja, ætla að fara á símafund hjá OA og létta á mér og heyra í öðrum ofætum. Algjör brilli að hringja á þessa símafundi (sérstaklega eftir að ég flutti á Skagann).

Gangi ykkur öllum vel:)

Wednesday, July 13, 2005

Akranes hírr æ kommmmmm......




jeiiii....búin að pakka HEILLI búslóð, svolgra í mig 2 bjórum og flutningarbíllinn kemur á morgun....váá....líf mitt er þokkalega að taka stakkaskiptum! Er að flytja upp á Skaga á morgun með 1 stk. mann og 2 stk.börn! Fengum þessa flugu í hausinn fyrir 2 mánuðum, keyptum hús 3 dögum seinna....vamm bamm! Þekkjum ENGAN eða neitt þarna....kýldum bara á þetta! Sáum fram á að geta selt 4 herbergja risíbúðina okkar hérna í RVK. og fá 1 stk. hús í staðinn (með garði og alles)....já svona er lífið frábært stundum!

Það eina er að matarræðið er ÞOKKALEGA búið að fá að kenna á þessu rútínuleysi undanfarið....Sambó og Júmbó-fyrirtækin eru alveg búin að græða fúlgu undanfarið á mér! EN....það stendur allt til bóta. Ætla að taka upp úr kössunum næstu viku og finna mér góða rútínu....0g hananú!
þar til næst.....góða nótt.....zzzzzzzzzzzzz

Sunday, July 10, 2005

flutningar og aftur flutningar....




jæja....ég er bókstaflega á FULLU að pakka og þrífa....flyt á miðv.daginn næsta upp á Skaga:) Hlakka til að fá smá rútínu á lífið aftur. Ákkúrat núna er ég búin að pakka eldhúsinu og við krakkarnir nærumst eingöngu á skyndibitamat....allt sem maður getur afgreitt fljótt.

EN....það eru bara 2-3 vikur eftir af þessu rugli og þangað til er ég bara að telja í mig kjarkinn að heilbrigðara líferni og hlakka svooooooooo til að hætta í þessu rugli!

Fylgist samt með ykkur hinum....þið eruð ekkert smá duglegar!
ofætan:)

flutningar og aftur flutningar....




jæja....ég er bókstaflega á FULLU að pakka og þrífa....flyt á miðv.daginn næsta upp á Skaga:) Hlakka til að fá smá rútínu á lífið aftur. Ákkúrat núna er ég búin að pakka eldhúsinu og við krakkarnir nærumst eingöngu á skyndibitamat....allt sem maður getur afgreitt fljótt.

EN....það eru bara 2-3 vikur eftir af þessu rugli og þangað til er ég bara að telja í mig kjarkinn að heilbrigðara líferni og hlakka svooooooooo til að hætta í þessu rugli!

Fylgist samt með ykkur hinum....þið eruð ekkert smá duglegar!
ofætan:)

Wednesday, July 06, 2005

DJÖFULL er ég klikkuð!




Ó Mæ Gaaaaaaaad! Ég er svoooooo rugluð að ég veit bara ekki mitt rjúkandi ráð?! Hvað haldið'i?!

Ég byrjaði sumsé daginn vel....fékk mer grænan skyr.is drykk og flatköku með fituskertu hangikjöti....alltí'lagi.....æðislegan grænmetisrétt í hádegismat (take-out frá Grænum Kosti). Allt í fínasta lagi sumsé.....ég svaka happí og bjartsýn og alles....en neiiiiiiiiii.....

Af e-h FÁRÁNLEGUM og mér óskiljanlegum ástæðum er ég allt í einu lent inn á e-h sjoppu-búllu búin að skófla í mig e-h sveittri samloku og kaupa nammi fyrir stórfé til að gæða mér á í kvöld (er nebblega ein heima).....DÍSES! Er e-h svona klikkaður þarna úti. EN....hvað haldið'i? Þegar brjálaðið rann af mér og ég var búin með samlokuna og búin að fela "FENGINN" í töskunni, fattaði ég allt í einu hvað ég hafði verið að gera! Og ég HENTI pokanum í ruslið fyrir utan búlluna.....jíhaaaaaa!

Það er semsé ekki öll von úti ennþá.....er það nokkuð?

Ætla semsé bara að láta þessa kaloríu-bombu samloku duga fyrir kvöldið og SKIPULEGGJA mig fyrir morgundaginn. Það er beisiklí málið. Að verða ekki svangur e-h staðar og "NEYÐAST" til að skófla e-h viðbjóð í sig. Maður lærir af reynslunni!

Hlakka til að lesa bloggin hjá ykkur í kvöld!
ykkar snarvitlausa ofæta!

takk fyrir öll sætu kommentin!




Jahérna hér! Vá hvað er gaman að heyra í ykkur þarna úti! Algjör vítamínsprauta:)

En já.....er búin að vera í algjöru rugli undanfarið. Semsé brjáluðu, hömlulausu ofáti! Dagarnir mínir eru búnir að snúast um algjört vonleysi, vanmátt, uppgjöf, samviskubit og feluleik. ÖMURLEGT!

Afhverju get ég ekki bara verið eins og allir.....borða bara þegar ég er svöng! Halló.....hvað er málið?! En .....svona er'etta bara! Ég er hömlulaus ofæta....og svoleiðis er það bara! Ég má bara ekki gleyma því! Mér vantar hjálp og ég ætla að þiggja hana hjá OA og ykkur þarna úti....bloggurum og stuðningsmönnum....það verður bara mín leið:)

Er sumsé bara bjartsýn í dag......fór á OA fund og labbaði þaðan út með sól í hjarta, von og trú á að framtíð mín verði björt, ég nái andlegu jafnvægi, læri að ná tökum á þessu og jafnvel missi nokkur kíló í leiðinni....vhííí.....ekkert á móti því sko:)
Jæja esskurnar...takk fyrir að lesa rausið í mér og gangi ykkur öllum vel!

Saturday, July 02, 2005

smá von.....

jæja....annar dagur sem gekk hræðilega...algjörlega komin á botninn...farin að borða nammi upp í rúmi o.s.frv. EN....það er ljós í myrkrinu. Fann einhvern neista í dag og er búin að skrifa upp mataráætlun fyrir alla næstu viku....og ÆTLA að standast hana. Og hananú!

Væri gaman að vita hvort það sé einhver þarna úti...er e-h að lesa þetta röfl í mér? Halló Cyper-space...is anybody out there?
kveðja,
ein með vonarglætu í hjarta sér....

Thursday, June 30, 2005

djööööööööö

þetta er svoooooo erfitt......hvar er minn andlegi styrkur?! Afhverju get ég ekki borðað eins og normal manneskja? Það eru svo sem til verri sjúkdómar en það að vera hömlulaus ofæta....en samt er þetta ömurlegt. Held að enginn skilji það nema sem prófi þetta. Það að lífið þitt stjórnist af mat.....hvað þú eigir að borða næst....hvernig þú eigir að fela það....hvenær þú ert næst ein til að fá "frið" til að STÖFFA í þig allskonar drasli. Sektarkenndin á eftir, vonleysið, svartnættið, sjálfshatrið.....allt......ömurlegt. Ekkert til að hlakka til. Svona er það að lifa við matarfíkn og vera EKKI í fráhaldi.

Fór samt á "símafund" í kvöld hjá OA samtökunum og það var ÆÐI. Frábært að heyra í öðrum ofætum sem gengur vel. Frábært að vera minnt á hversu miklu frelsi það fylgir að vera ekki í hömlulausu ofáti. Arrrrrrrrrrrrrrrrrrrrrrrrrrrrrrrrg

jæja, nýr dagur á morgun og ég vona að ég verði í fráhaldi.
ykkar hömlulausa ofæta:(

hvað er í gangi!!!!!!!!!

Wednesday, June 29, 2005

djöfull er þetta erfittttttttt!!!!!%$%&"$#

DÍSES KRÆST hvað ég er ógeðslega svekkt út í sjálfa mig! Þetta var e-h svoooooooo erfitt í dag. Var bara á fráhvörfum í dag held ég....var bara BRJÁLUÐ í skapinu. Er reyndar að fara að standa í flutningum á næstunni og veit ekki hvað var kvíði yfir því, svengd eða bara fráhvörf! Allavega.....ég missti mig alveg um leið og ég kom heim úr afmælisveislu (sem ég bæ ðe vei fékk mér ekkert...týpískt!). Fékk mér allt sem ég mátti ekki.....væ mí?!

Ohhh....ætla samt ekki að láta þetta átkast eyðileggja allt fyrir mér! Neibbs.....ég vil bara ekki meira af þessari offitu-eymd!!!!!!!!

jæja.....ætla allavega að láta þetta gott heita í dag og bið til Guðs að gefa mér styrk til að halda ekki áfram í þessari vitleysu!!!!!!
bææææææææææ í bili

upphafið

já....hér er ég! Ég er að hefja minn fyrsta dag í fráhaldi. Þ.e.a.s. í fráhaldi frá ofáti! Já...ég sit hér með mín 86 kíló og hundóánægð með mig. Man reyndar varla þann dag sem ég hef ekki verið ósátt við líkamann minn. M.a.s. þegar ég var 63 kíló....fannst ég spikfeit!

Er semsé nýbúin að kynnast OA samtökunum hérna á Íslandi.....vá hvað ég er að finna mig þar. Eftir ENDALAUSA þrautargöngu með aukakílóin mín. Þetta blogg ætla ég að nota sem mitt verkfæri til að ná bata. Ég býst hreinlega ekki við því að NOKKUR maður nenni að lesa þetta....en sorrí....þetta verður bara voða mikið egó-flipp. Staður þar sem ég er hreinskilin við sjálfa mig og blogg-heiminn og þar sem ég tala um sjálfa mig án þess að hafa áhyggjur af því að vera óþolandi!

En þetta er semsé fyrsti dagurinn minn í alvöru fráhaldi. Þar sem ég MUN halda mér frá sykri, hvítu hveiti og smjöri á brauð. Þetta er ekkert sem OA samtökin hafa ákveðið heldur ákveður hver fyrir sig hvað "triggerar" fíknina þeirra. Þetta er allavega það sem ég ætla að gera auk þess að borða 3 máltíðir á dag ásamt 1 millibita. OG HANANÚ!

Nú þegar er ég búin að borða morgunmat og hádegismat....morgunm.(2 fjölkornabrauðsn., 3 sneiðar af 17% osti, skinkusneið og 1 stk soðið egg), hádegism.(ca.3 dsl. grænmetisréttur)

jebb.....ætla að halda áfram með fyrsta daginn minn.
sendið mér fallegar hugsanir:)
ofæta DAUÐANS!